Quru güller

Quru güllər Belə görünür yaşamda Quru gülün ömrü uzundur Düzəlmiş gülünkidə daha çoxdur Rəsamlar çəkdigi gülərdə belədir Bilgisayara keçən gülər Bəlkədə bilgisayar devrinin sonacaq yaşayarlar? Ancaq yazıq gül özü Neçə gündən artıq olmur ömrü Öonça olub çiçəklənir Gülüb bir az Solub Ölmək Qısacası,Ömür sürmək Özəllikdir bu güllərə Çox yaşayan o güllərə Gülüb Güldürməg örgədən Qurqu birdə ,boya verən Sabah bürgün qoxu verən Bunlardılar, bunlardılar Ancaq bunları yaradan Tanrı yada təbiətdir Özəllədir ,gözəllədir Boya verir Bəlkədə bir qoxu verir Ancaq, ancaq dananmıram Bir rəssamı Qırafisti Şair olan kimsələri Gələcəkdə bəlkə indi Keçmiş olan zamanlarda Bir bumun arxasında Ya bir daşı cıza ,cıza Bilgisayar arxasında Kağızlar üstə yazanda Çəkir bir gül Yazır gülümsəmək ona Cızır geyim bir qadına Bizim şair solmağını çəkir şe'rə Çiçəkləndirir yönətmən bir çizgiyə Yeni bir qoxu yaradır bilgisayarla Gözəlliklər Özəliklər Tanrı bunlar dəgillər? Bu sənətçilər Işıq verirlər bunlara Yoxdan varlıq yardırlar Tanrıdan üstün bir kəlmə Demək olarmı bunlara? Işıq vermədən lapda üstün Işıq vermək örgətməkdir Işıqlanan öz özünə bir sənətdir,bir sənətdir,……… Tanrı quru ola bilməz Tanrını tapmax gərəkdir Sınırların arxasından Rəmkələri sındıraraq

şəhriyardan gözəl şeir

چوخلار اینجیکدی کی، سن اونلارا نازایله میسن
من ده اینجیک کی، منیم نازیمی آز ایله میسن
ائتمیسن نازی بو ویرانه کونولده سلطان
ائوین آباداولا ، درویشه نیاز ایله میسن
هر باخیشدا چالیبان کیپریگی مضراب کیمی
بیر قولاق وئر، بوسینیق قلبی نه ساز ایله میسن؟
باشدان آچ یایلیغی ، افشان ائله سوسن - سنبل
سن بیزیم بایراممیزسان قیشی یاز ایله میسن
سن گون اول، قوی غم میز داغدا قار اولسون، اریسین
منیم آنجاق ایشیمی سوز و گداز ایله میسن
من بو معناده غزل یازمالی حالیم یوخودی
سن جوجوق تک قوجانی فرفره باز، ایله میسن
کاکلی باشدا بوروب باغلامیسان تاج کیمی
او قیزیل ساچدان اونا ، گوللی قوتاز ایله میسن
سینه بیر دشت مغان دیر ، قوزی یان - یانه یاتیب
منیم آغلار گوزومی ، اوردا آراز ایله میسن
بو گوزللیک کی جهاندا سنه وئرمیش تانری
هر قدر ناز ائله سن ایله، کی آز ایله میسن
منی بو سوز یله آتدین، آرالاندین بیلیرم
آرانی بیر پارا نامردیله ساز ایله میسن
دستماز ایله دیگین چشمه، مسیحا قانی دیر
بیلمیرم هانسی کلیساده نماز ایله میسن؟
من < عشیران > اوخوسام، پنجه < عراق > اوسته گزه ر
گوزلیم، < ترک > اولالی ، ترک < حجاز > ایله میسن
تازا شاعر، بو ده نیز هرنه باخیرسان دیبی یوخ
چوخ اوزاتسان بو غازی، اورده گی قاز ایله میسن
بسکه زلف و خط و خالین قوپالاغین گوتدون
زلفعلی نین باشینی آزقالا داز ایله میسن
گل ! منیم ایسته دیگیم کعبه ییخیلماز، اوجالار
باشدادا کژ گئده سن ، دیبده تراز ایله میسن
خط و خالیندن آلیب مشقیمی قرآن یازارام
بو حقیقت له منی، اهل مجاز ایله میسن
منی، دان اولدوزی، سن یاخشی تانیرسان که سحر
افقی خلوت ائدیب راز و نیاز ایله میسن
شهریار ین داغیلیب، داغدا داشا دالدالانیب

ئوزون انصاف ایله، محمودی ایاز ایله میسن

Təsəlsülə qarışmış dövr Təsəlsülə qarışmış dövr Yaxud Dövrə qarışmış təsəlsül Sevginin ucu yoxdur başıda canım Sevgisiz ucsuz başsız oluram yarım Bir yarım özüm olsam obirisi itmiş Itmişdə çölərə məni sümsüdür Sürgünəm yarımdan Tapa bilmirəm özümə uyqun yarı Bilmirəm tapamasam nə eyliyəciyəm Bu bütövləşmək istiyən pazellə Bu pazelin qulağı bəlkədə sınmış? Ya obirsi yarısı yaralanmış? Bəlkə ölmüş,itmiş obirsi yarı Ya yaranacaq gələcəkdə o yoxmuş yarı Bəlkədə bu yarı yaranmış yalnızlıqa Ya yarılar qoşulmağını beynində çəkib yanıb yaxılmağa Ya məcaz bir dünyada yarısın yaratmağa Ya gerçək dünyada bir yarı yonmağa Bunlar ola bilər? Bir pazel bu işlərlə yarısın tapar? Bəlkədə bu oyunlarla baş qatmağa deyirlər yaşam? Və avara və heyran qalmağdır yaşam Ya bir düzən qurmağdır bu düzənsizligə dərman? Ayrı düzənləyən gəlsin dağıtsın və yeniləndirsin!…? Və bu təsəlsülə qarışmış dövr ya dövrə qarışmış təsəlsül…. Sonsuza qədər dəvam edir…..???…..!!!!

Yavan aşdan pay uma

Yavan aşdan pay umanları çox gördüm Ancaq gözü qaşdan ayıranları görə bilmədim Gözü qaşdan ayırmaq çoxda çətin dəgil Ancaq gözdən qaşın arasında olan uzaqlıqı Dilə gətirən görə bilmədim Bəlkədə özüm gördügüm gözdən qaşın Uzaqlıqını ayrı adamlarda gördügünü sanırdım Ölçülər adamlar arasında fərqlidir diyə Özümə toxtaqlıq verirəm یاوان آشدان پای اومان لاری چوخ گؤردوم آنجاق گؤزو قاشدان آییرانلاری گؤره بیلمه دیم گؤزو قاشدان آییرماق چوخ دا چتین ده گیل آنجاق گؤزدن قاشین آراسیندا اولان اوزاقلیقی دیله گتیرن گؤرمه دیم بلکه ده اؤزوم گؤردوگوم گؤزدن قاشین اوزاقلیقینی آیری آداملار دا گؤردوگون سانیردیم اؤلچولر آداملار آراسیندا فرقلی دیر دییه اؤزومه توختاقلیق وئریرم

Düşünən Daşa Dönsün Belə söylədi örgətmən dərs diyəndə Başa düşən daşa dönsün Beləliklə örgətmən sevmədi örgətməgi Qarğıdı bilməgi Neçə öyrənci o kilasda istədi başa düşsün Ancaq onları gərək örgətmən başa salaydı Və örgətmən özü başa düşdügü çağ daşa döndügü üçün Dil açıb başa salabilmirdi onları Örgətmən daşa dönüb Bilim isə rəmkələrə salınmışdı Öyrənci başa düşməgə gərək Özü axtarıb tapıb və bileydi Və belə oldu Örgətmən bilməgi qarğıdığı üçün Örgətmənlikdən düşdü Necə adam cənətdə uçmaqdan yerdə sürünməgə düşdü və yerdə qarğanıb qartıdı بئله سؤیله دی اؤرگتمن درس دییه نده باشا دوشن داشا دؤنسون بئله لیکله اؤرگتمن سئومه دی اؤرگتمگی قارغیدی بیلمَگی نئچه اؤیرنجی او کیلاسدا ایسته دی باشا دوشسون آنجاق اونلاری گرک اؤرگتمن باشا سالایدی و اؤرگتمن اؤزو باشا دوشدوگو چاغ داشا دؤندوگو اوچون دیل آچیب باشا سالا بیلمیردی اونلاری اؤرگتمن داشا دؤنوب بیلیم ایسه رمکه لره سالینمیشدی اؤیره نجی باشا دوشمه گه گرک اؤزو آختاریب تاپیب و بیله یدی و بئله اولدو اؤرگتمن بیلمه گی قارغیدیغی اوچون اؤرگتمن لیکدن دوشدو نئجه آدام جنتده اوچماقدان یئرده سورونمه یه دوشدو و یئرده قارغانیب قارتیدی

her neyi xırdalayırıq

Dünya nə böyük dünyadır Biz xırdaldırıq ancaq Ərindigimiz Üçün Rahatlaşdırmaq üçün Özümüzü heyranlıqdan دونیا نه بؤیوک دونیادیر بیز خیردالدیریق آنجاق اَریندیگیمیز اوچون راحاتلاشدیرماق اوچون اؤزوموزو حئیرانلیقدان

Açışqanı silen qadın

Açışqanı silən qadın Açışqanı silirdi və bilmirdi Bunu silərkən Ayrısını tozlandırırdı Ayna bir vasitə idi bu arada Deməli ayna açışqadan silinmiş tozı Ayrı bir yerə bəlkədə bir gözə salırdı Və beləliklə göz yiyəsinin ürəgi tozlandı آچیشقانی سیلیردی و بیلمیردی بونو سیلرکن آیریسینی توزلاندیریردی آینا بیر واسیطه ایدی بو آرادا دئمه لی آچیشقادان سیلینمیش توزی آیری بیر یئره بلکه ده بیر گؤزه سالیردی و بئله لیکله گؤز ییه سینین اوره گی توزلاندی

Qaranlığla boyanan ruhum

Qaranlığla boyanan ruhum Oxşamır heç kimsə ruhumu Ruhum qaranlıqlara gömülüb Ölmək mənim varlığımı əlinə keçirdib Sevgi adlı röya mənə qəribədir Səsizliklə qaranlıq mənim sərxoşluğumdur اوخشامیر هئچ کیمسه روحومو روحوم قارانلیقلارا گؤمولوب اؤلمک منیم وارلیقیمی الینه کئچیردیب سئوگی آدلی رؤیا منه قریبه دیر سسیزلیکله قارانلیق منیم سرخوشلوغومدور

sevmek ne demekdir?سئومک نه دئمک دیر؟

Sevgilə dolub dünyalar Sevgi nə demək dostlar? Bir qadını sevmək? Yaxud ƏksinəBir kişini sevmək? سئوگی له دولوب دونیالار سئوگی نه دئمکدیر دوستلار؟ بیر قادینی سئومک یاخود

عکسینه بیر کیشینی سئومک