یانیمیزدااولارکن، غریب فولکولور

آخشام اوستو ایدی و بوتون گونلر کیمین بیلگی سایارین آرخاسیندا اوتوروب مدیاپلیر ده بیر موسیقی آلبومونو اوخودوب و اوزومده بیر اینترنت یارپاغینی اوخوماقدایدیم ، آنام ایسه اوتاقدا یئمک یئییردی ، منده یارپاغا دالمیشدیم و بیردن آنام دئدی بو ماهنینین سسین وئر بیزده بئله بیر ماهنینی اوشاغلیغدا کندیمیزده اوشاغ لارلا اوخوییردیق ، "ناردانه سی آی ناردانه سی،آتامین،آنامین،بیردانه سی دی" احمد کایا نین ایفا سیلا،اتاقدا یوخاری سسله یایینلانماقداایدی،بو دوروم منه چوخ آغیر گلیردی ، نئجه اولا بیله ر،هئچ بیر مدیا اولمادان بیر ائل ماهنی سی آنادولونون باتی سیندان آذربایجانین دوغوسوناجاق یاییملانیر و منیم آنام قاراداغین بیر خیردا کندینده آغیزدان آغیزا بو ائل ماهنی سینی اؤرگشیر ،آنجاق من 19 یاشیندا اولان بیر اردبیللی اوغلان بو گئنیش فولکولورو اؤرگشمه گ اوچون دونیایا هؤرومچک کیمین توخونان وب سایت لارین سای سیز بیلگیلرینه دولاشاندان سونرا،چوخلو گوج وئریب و مینلرجه فیلتر لردن کئچندن سونرا بو مین بوجاقلی فولکولورون بیر بوجاقیلا تانیش اولورام ،بو ظلم دگیل بس نه دیر؟لاپ یاخین قایناق،یعنی آنام بؤرومده اوتورارکن من اوندا اولان بیلگیلری گوگل وب آختاران سایتیندا آختاریرام و دونیا نین اوباشیندا اولان(آمریکادا)سرور لری فیرلاناندان سونرا آنامدا اولدوغو بیلگینی تاپیرام.بلی دئمگ اولار بئله بیر بیلگیلر(فولکولوروموزو) ساده جه وب سیته لری یوخ بلکه آتا آنا لار فیلتر ائدیرلر،بیز اینترنت اوزه رینده اولان فیلتر لردن آشیپ کئچه بیلیریک،آنجاق اؤز آتا،آنا و توپلوموموزون فیلترلریندن نئجه آشیپ و یا اونلاری نئجه سیندیرابیله ریک؟

اولو دور تانری تک آدین ای اوستاد تانری نین توءحفه سی بیزلره اوستاد بیلیجی ،سئوگیلی، ای گؤزل اوستاد هر نه یی اؤرگدن سن منه اوستاد بیلگیله،انسانلیق سندنیدی بیلمه مگ،اینجیتمک مندنیدی درس دئمگ،دانناماق سندنیدی اویناماق،سری مگ مندنیدی دوز یولو گؤرستمک سندنیدی اُیری یولو گئتمگ مندنیدی گؤر نئجه زحمت لر وئردیک بیز سنه سن بیزی باغیشلادین اؤز سئوگین ایله او سئوگی یاراتدی معلم سنی سئوگینله ائده سن اینسان بیزلری بیر دفه دوغولدوم آنا قارنیندان بیر دفه ده سنین کلاسلاریندان سئوگینی پایلاشدیر بیزیمله اوستاد سئوگینی اولاشدیر دونیایا اوستاد سئویملی اوستاد،سئویملی اوستاد سئوگینی بیزلره اؤرگدن اوستاد بوتون بیلمک سئوگیسینی اؤرگدن اؤرگتمن لرهاتحاف ائدیرم